काठमाडौं । महालक्ष्मी विकास बैंकले पुस २९ गते वार्षिक साधारणसभा बोलाएको छ । यस बैंकको बिहीबार (पुस ७ गते) बसेको सञ्चालक समिति बैठकले सभा गर्ने निर्णय गरेको हो ।
सभा लैनचौर ब्यांकेट, नेपाल स्काउट कम्पाउण्ड, काठमाडौंमा बिहान १० बजेदेखि सुरु हुनेछ । सभामा बैंकले गत आर्थिक वर्षको नाफाबाट ४ प्रतिशत बोनस सेयर र करसहित ६.४७ प्रतिहतनगद लाभांश वितरण गर्ने प्रस्ताव पेश गर्नेछ ।
यस्तै, सभामा गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरण लगायतमा पनि छलफल हुनेछ । आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि रहेको छ ।
त्यस्तै, प्रबन्धपत्र तथा नियमावली संशोधन गर्न प्रस्ताव पनि रहेको छ । सभा प्रयोजनका लागि बैंकले पुस १८ गते बुक क्लोज गर्दैछ । तसर्थ, पुस १७ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।
